1974 жылы 29 қазанда Қызылорда облысы, Қармақшы ауданы, Тұрмағамбет ауылында дүниеге келген.
Әкесі Қуандық Бүрлібаев - Сыр сүлейлерінің мұрагер ұрпағы, ерекше дауысты, дарынды жырау болған. Әке жолын қуған Амандық 1986 жылы Ленинград қаласында өткен Бүкілодақтық этнографиялық фестиваліне, 1987 жылы Алматы қаласында өткен Бүкілодақтың халықтар творчествосы фестиваліне қатысып лауреат атанған.
Мектеп бітіргеннен кейін Қорқыт ата атындағы ҚМУ-нің «Әуез және мәдени ағарту» мамандығы бойынша «Дәстүрлі музыкалық өнер» кафедрасына түсіп, арнайы мамандық иесі атанды. 1995 жылдан 2011 жыл аралығында Қорқыт ата атындағы ҚМУ-нің «Дәстүрлі музыкалық өнер» кафедрасының оқытушысы қызметін атқарған. 2011 жылдан бастап шығармашылық-ғылыми жұмыстармен айналысқан.
Ғылыми еңбектері:
1. «Тәуелсіз Қазақстаңың жаңа әдебиеті: Даму деңгейі және болашағы» атты республикалық ғылыми-тәжірибелік конференциясында «Дәстүрлі ақындар поэзиясындағы ұлттық тұрмыс-салт өлеңдері» тақырыбында баяндама оқып, жинаққа енді.
2. «Дәстүрлі ақындар айтыстарындағы азаматтық сарын», қазақ тілі мен әдебиеті журналы. 2010 жыл №11 саны.
3.«Дәстүрлі ақындар айтыстарының философиялық-дүниетанымдық сипаты», Ақиқат ұлттық қоғамдық-саяси журналының 2010 жылғы №9 санында жарық көрді.
Жетістіктері мен марапаттары:
- 2020 жылы ақпан айында «ҚР ғылымын дамытуға сіңірген еңбегі үшін» төсбелгісінің иегері атанды.
- 2021 жылы ақпан айынан айтыс ақындары мен жыршы-термешілердің халықаралық одағының мүшесі.
- 2019 жылдың сәуір айынан шілде айына дейін Қызылорда қалалық Мәдина Ералиева атындағы мәдениет үйінде үйірме жетекші, әдіскер қызметтерін атқарған.
- 2019 жылдың шілде айынан 2021 жылдың маусым айына дейін Қармақшы аудандық көшеней Рүстембеков атындағы «Жыраулар үйі» коммуналдық мемлекеттік қазыналық кәсіпорынның директоры қызметін атқарды.
- 2021-2024 жылдары Қызылорда облыстық филармониясының «Дәстүрлі орындаушылар» бөлімінің көркемдік жетекшісі болып жұмыс жасады.
- 2024 жылдың 27 мамыр күні «Мәдениет саласының үздігі» төсбелгісімен марапатталды.
- 2024 жылдың 11 қазан күні «Еңбек даңқы» медалінің иегері атанды.
- 2024 жылдың 2 сәуірінен бастап Қызылорда облыстық филармония басшысының орынбасары, Жыраулар үйінің жетекшісі қызметінде.