ҚЫДЫРБЕК СӘДЕНОВ

 1972 жылы 4 желтоқсанда Қармақшы ауданы, Ақтөбе ауылында дүниеге келген. Мектеп бітіргеннен кейін 1991-1995 жылдар арасында Қорқыт Ата атындағы Қызылорда Мемлекеттік университетінің  «Дәстүрлі өнер жыр» мамандығы бойынша бітіріп шыққан. Университет бітіргеннен бері өзінің туған ауылында Тұрымбет Салқынбайұлы атындағы әуез мектебі филиалында «жыр-терме» сыныбын жүргізеді. Аудандық, облыстық конкурстардың лауреаты. 2015 жылы «Қазақстан-Қызылорда» телеарнасының «Сыр сүлейін сұрасаң...» атты теле жобаға қатысып, облыс жұртшылығына өз өнерін көрсетті.

Жыр қорында Сыр бойы шайырларының шығармалары, әсіресе Молдахмет Дабыловтың, Т.Салқынбаевтың терме-толғаулары бар.

Бүгінгі таңда Қармақшы ауданы, Ақтөбе ауылындағы  №109 орта мектеп директорының тәрбие-ісі жөніндегі орынбасары қызметін атқаруда.