МАЙРА САРСЕНБАЕВА

           1977 жылы 27 мамырда Қызылорда облысы, Қармақшы ауданы, Ақжар елдімекенінде дүниеге келген. Сыр еліне белгілі Сәрсенбай жыраудың немересі. Қорқыт Ата атындағы Қызылорда Мемлекеттік университеті «Халық әні» кафедрасының түлегі.

          1998 жылы Сырдария ауданында өткен облыстық жыршы-термешілер байқауының лауреаты (І орын).

         1999 жылы Қызылорда қаласында өткен Халықаралық Қорқыт жылына арналған аймақтық жыршы-термешілер байқауының лауреаты ( І орын). 

           2001-2003 жылдары Қызылорда қаласында өткен  Халықаралық  «Ғасырлар үні» жыраулар конкурсының лауреаты    (ІІ орын).  

           2001 жылы Венгрияда өткен Қазақстан Республикасының мәдениеті мен өнері күндеріне қатысып өнер көрсетті.

           2002 жылы Көкшетау қаласында өткен «Кемел ойлы хан Кене» атты республикалық жыраулар байқауының жүлдегері.

           2003 жылы Орал қаласында өткен белгілі термеші Қ.Орашева атындағы «Көмейінде күміс жыр» атты аймақтық жыршы-термешілер байқауының лауреаты (ІІІ орын).

           2003 жылы Атырау қаласында өткен М.Өтемісұлының 200 жылдық мерейтойына арналған республикалық жыраулар байқауының жүлдегері.

           2003 жылы Бішкек қаласында өткен І Халықаралық эпос жырлаушылардың  фестивалінде өнер көрсетті.

           2006 жылы Астана қаласында өткен «Алпамыс батыр» эпосы - Астанада» атты фестиваліне қатысып өнер көрсетті. 

           2006-2011 жылдары Қызылорда қаласында өткен Түркі тілдес елдердің халықаралық «Қорқыт және Ұлы дала сазы» атты өнер фестиваліне қатысып өнер көрсетті.

          2007 жылы Хорасан Атаның 1100 жылдығына арналған республикалық «Заман-ай» атты термешілер байқауында ІІІ орын иеленген.

          2007 жылы  Ұлыбритания еліндегі Қазақстан Республикасы Елшілігінің арнайы шақыртуымен  Лондонда өткен Қазақстанның мәдениет және өнер күндеріне қатысып өнер көрсетіп қайтты.

          2012 жылы Бұқарбай батыр Естекбайұлының 200 жылдығына арналған «Батыр баба, Бұқарбай!» атты республикалық дастан орындаушылар конкурсының ІІІ орын иегері. 

          2012 жылы Т.Ізтілеуұлының 130 жылдығына арналған «Шұғыла шашқан – Шаһнама» атты республикалық дастан орындаушылар конкурсының І орын иегері.

         2015 жылы Қызылорда қаласында өткен Сыр сүлейі Жиенбай Дүзбенбетұлының 150 жылдық мерейтойына арналған «Жыр жүйрігі – Жиенбай» атты республикалық жыршы-жыраулар байқауының ІІІ орын иегері. Жыраудың жыр қорында Сыр сүлейлерінің терме-толғауларымен бірге «Абылайхан» тарихи дастаны,  «Қыз Жібек» лиро-эпостық жыры, Сәрсенбай жыраудың «Жүсіп-Ахмет», «Мұңсызхан» дастандары, «Алпамыс батыр», «Айман-Шолпан» жыр-дастаны, өзінің қаламынан туындаған «Отырардың күйреуі» дастаны бар.

2014 жылы ҚР Мәдениет Министрлігі «Мәдениет саласының үздігі» төс белгісінің иегері. Қазіргі уақытта облыстық халық шығармашылығын дамыту және мәдени продюсерлік орталығының «Жыр» секторының жетекшісі. «ЭКСПО-17» көрмесіне дайындаған Тұрмағамбет шайырдың «Шаһнама» аудио таспаға даусы жазылған 22 жыраудың бірі.