Қызылорда облысы, Жалағаш ауданы, Ақарық ауылында дүниеге келген. Кіші жүз Шөмекей одан Сарықасқа руынан. Сыр бойының әйгілі ақыны Даңмұрын Кенжебекұлының жиені. Хат танымайды. Ата-анадан жетім қалған. Бала кезінде «Қойшы жырау» атанған.

1924 жылы Кете Жүсіппен айтысқан. Халық жырлары мен Балқы Базар, Әубәкір Кердері, Ешнияз, Қарасақал Ерімбет, Тұрмағамбет, Жиенбай тәрізді шайырлардың шығармаларын жатқа айтқан. Ташкент, Бұқара, Хорезм атырабын аралап, жыршылық өнерімен халыққа қызмет еткен. Өз шығармаларынан «Темірбай жыраудың сиырмен айтысы» деген мысал айтысы ғана жарық көрген. (Айтыс 2 т, 1965 ж.). Өзге өлең жырлары, толғау-термелері, айтыстары кезінде ел аузында айтылып жүргенімен хатқа түспеген.