Сырдария ауданының Қоғалыкөл ауылында туып, Қызылорда қаласында қайтыс болды. Атақты күйші, тоғыз жасынан бастап қобыз тартып үйренген. 1-2 жасында түйнеме ауруымен ауырып, екі көзі көрмейтін болған. Қала ішінде «Мұсая» бейітіне келушілердің арасында белгілі қобызшылар мен бақсы-балгерлер де болады екен. Сондай бір кештерде ұстаздарынан жеткен Қорқыт күйлерін үйренеді.

Нышан қобызшының күйін 1925 жылдарда Қызылорда бас қала болып тұрғанда бірсыпыра Үкімет басшылары, Әлкей Марғұлан сияқты ғалымдар тыңдаған көрінеді.

1975 жылы академик Әлекеңнің нұсқауымен фольклоршы ғалым Мардан Байділдаев арнайы келіп, журналист Ахат Жанаевпен бірге әуенді облыстық радиоға, кейіннен магнит таспасына Нышан қобызшының орындауындағы Қорқыттың 11 күйін жазып алады. Міне, сол уақыттан бастап Қорқыт күйлері жырлануда. Атақты күйшінің атында Қызылорда да көше бар.